"Бавария" марказий ҳимоячиси Дайо Упамекано клуб билан янги меҳнат шартномасини имзолашга яқин турибди. Бу ҳақда журналист Кристиан Фальк хабар бермоқда.
Манбага кўра, томонлар бўлажак шартноманинг аксарият бандлари, жумладан, имзо бонуси ва товон пули тўғрисидаги банд бўйича келишувга эришган. Тез орада янги шартнома тўлиқ келишилиши кутилмоқда.
Упамекано 2021 йилдан бери "Бавария" шарафини ҳимоя қилмоқда. Жорий мавсумда 27 ёшли француз барча мусобақалар билан ҳисоблаганда 21та ўйинда майдонга тушди ва 1та гол урди.
Упамеканонинг клуб билан амалдаги шартномаси келаси ёзда ўз ниҳоясига етади. Transfermarkt портали мутахассислари ҳимоячининг нархини 70 миллион еврога баҳоламоқда.
