Колумбиялик ҳужумчи Радамель Фалькао «Мильонариос» жамоасига қайтди. Бу ҳақда Колумбия Примерасида иштирок этувчи клубнинг расмий сайти хабар берди.

Футболчи ушбу жамоа сафида аввал ҳам — 2024 йил январидан 2025 йил июлигача тўп сурган. Шундан сўнг у шартномасини узайтирмаган ҳолда эркин агент мақомида бўлиб турди, эндиликда эса яна оқ-кўклар сафига қайтди. Фалькао «Мильонариос» таркибида жами 29 та ўйин ўтказиб, 11 та гол муаллифи бўлган.

Шунингдек, Радамель Фалькао фаолияти давомида «Ривер Плейт», «Порту», «Атлетико» Мадрид, «Монако», «Манчестер Юнайтед», «Челси», «Галатасарой» ва «Райо Вальекано» жамоаларида ҳам тўп сурган. 2007–2023 йиллар оралиғида у Колумбия миллий терма жамоаси шарафини ҳимоя қилган.