Мадриднинг «Реал» жамоаси ярим ҳимоячиси Жуд Беллингем клуб ҳужумчиси Винисиус Жуниор ҳақида фикр билдирди.

«Мен Винисиусни ҳар куни кўраман — у ҳали ҳам жуда ижобий кайфиятда. У жамоага ҳам, биз барпо этишга ҳаракат қилаётган тизимга ҳам ҳеч қандай зарар етказмаяпти. Вини билан муносабатларим жуда яхши ва агар у жамоа сифатида бизга халал беряпти, деб ўйласам, албатта буни унга айтардим. Аммо мен бундай деб ҳисобламайман… Бош мураббий масаласига келсак, биз барчамиз унга 100 фоиз ишонамиз», — дея Беллингемнинг сўзларини ESPN келтиради.

Аввалроқ Винисиус «Реал»ни тарк этиши мумкинлиги ҳақида хабарлар тарқалган эди. Жорий мавсумда бразилиялик футболчи 25 та учрашувда иштирок этиб, 5 та гол урди ва 8 та голли узатма амалга оширди.