"Манчестер Юнайтед" ярим ҳимоячиси Каземиро Бразилияга қайтиши мумкин.
Журналист Диего Фирминонинг маълум қилишича, хавбекни "Палмейрас" ўз сафига қўшиб олмоқчи. Бразилия клуби футболчи ёзда "Манчестер Юнайтед"ни эркин агент сифатида тарк этса, у билан икки йиллик шартнома тузишга тайёр. "Палмейрас"дагиларнинг фикрича, 2+1 кўринишидаги битим футболчини клубга ўтишга кўндиради.
Каземиро "Манчестер Юнайтед"га 2022 йилнинг ёзида "Реал"дан 70 миллион евро эвазига ўтганди. Унинг шартномаси 2026 йилнинг 30 июнига қадар имзоланган. Ярим ҳимоячи жорий мавсум 18 та ўйинда майдонга тушиб, 4 та гол урди ва 1 та голли узатмани амалга оширди. Transfermarkt портали бразилияликни 8 миллион еврога баҳоламоқда.













