Лондоннинг "Арсенал" клуби собиқ футболчиси Пол Мерсон португалиялик мутахассис Рубен Аморим истеъфога чиқарилгач, "Манчестер Юнайтед"га қандай мураббий кераклигини айтди.
"Клубга ўзгаришлар керак. Янги мавсумда жамоага Тухель каби мутахассис керак. Оловни ёқа оладиган мураббийни тайинлаш керак. Тухель каби устоз одамларни хафа қилишдан ва ҳамма нарсани ўзича қилишдан қўрқмайди. "МЮ"га силкиниш керак. Ҳозир у ерда футболчилар ўзларини жуда қулай ҳис қилишмоқда", - дея мутахассиснинг сўзларини келтиради Sky Sports.
Англия чемпионатининг 21-туридан сўнг манкунианликлар 32 очко жамғариб, турнир жадвалида еттинчи ўринни эгаллаб турибди.
