Londonning "Arsenal" klubi sobiq futbolchisi Pol Merson portugaliyalik mutaxassis Ruben Amorim iste’foga chiqarilgach, "Manchester Yunayted"ga qanday murabbiy kerakligini aytdi.
"Klubga o‘zgarishlar kerak. Yangi mavsumda jamoaga Tuxel kabi mutaxassis kerak. Olovni yoqa oladigan murabbiyni tayinlash kerak. Tuxel kabi ustoz odamlarni xafa qilishdan va hamma narsani o‘zicha qilishdan qo‘rqmaydi. "MYU"ga silkinish kerak. Hozir u yerda futbolchilar o‘zlarini juda qulay his qilishmoqda", - deya mutaxassisning so‘zlarini keltiradi Sky Sports.
Angliya chempionatining 21-turidan so‘ng mankunianliklar 32 ochko jamg‘arib, turnir jadvalida yettinchi o‘rinni egallab turibdi.
