"Борнмут" клуби қанот ҳужумчиси Антуан Семеньо "Манчестер Сити"га ўтишидан олдин тиббий кўрикдан ўтмоқда. Бу ҳақда инсайдер Фабрицио Романо хабар бермоқда.
Кутилганидек, жараён 8 январь, пайшанба куни бўлиб ўтяпти. Тиббий кўрик якунлангач, Семеньо "шаҳарликлар" билан 2031 йил июнигача мўлжалланган меҳнат шартномасини имзолайди. Қайд этилишича, клублар ўзаро барча керакли ҳужжатларни уч кун олдин имзолаган.
Семеньо "Борнмут" сафида 2023 йилнинг январидан буён тўп тепиб келмоқда. Жорий мавсумда 26 ёшли вингер Англия премьер-лигасида 20 та учрашувда қатнашиб, 10 та гол урди ва 3 та голли узатмага муаллифлик қилди.
