"Барселона"нинг собиқ мураббийи Кике Сетьен каталонияликлар ниҳоят унинг шартномаси бўйича тегишли маблағни тўлаганини маълум қилди.
Сетьен 2020 йилнинг январидан августигача "Барселона"ни бошқарган. Дастлаб, шартнома 2022 йилгача амал қилиши керак эди. Кейинчалик Сетьен "Вильярреал"ни бошқарган ва у ерда ҳам ишдан бўшатилган.
"Барселона" мен билан ҳисоб-китоб қилиши учун 3, ҳатто 4 йил керак бўлди, аммо энди улар барча мажбуриятларини бажаришди ва мендан бошқа ҳеч нарса қарздор эмас. "Вильярреал"дан деярли 2,5 йил ўтган бўлса-да, бирорта тўловни кўрмадим. Иш судда кўрилмоқда. Биз бир ярим йилдан бери менга тегишли бўлган нарсани олишим учун қарорни кутмоқдамиз," - деди Сетьен El Larguero дастурида.
Сетьен 2025 йил октябрь ойидан бери ишсиз юрибди, ўшанда у шахсий сабабларга кўра Хитойнинг "Бейжинг Гоан" клубини тарк этган эди.
