"Barselona"ning sobiq murabbiyi Kike Setyen kataloniyaliklar nihoyat uning shartnomasi bo‘yicha tegishli mablag‘ni to‘laganini ma’lum qildi.

Setyen 2020 yilning yanvaridan avgustigacha "Barselona"ni boshqargan. Dastlab, shartnoma 2022 yilgacha amal qilishi kerak edi. Keyinchalik Setyen "Vilyarreal"ni boshqargan va u yerda ham ishdan bo‘shatilgan.

"Barselona" men bilan hisob-kitob qilishi uchun 3, hatto 4 yil kerak bo‘ldi, ammo endi ular barcha majburiyatlarini bajarishdi va mendan boshqa hech narsa qarzdor emas. "Vilyarreal"dan deyarli 2,5 yil o‘tgan bo‘lsa-da, birorta to‘lovni ko‘rmadim. Ish sudda ko‘rilmoqda. Biz bir yarim yildan beri menga tegishli bo‘lgan narsani olishim uchun qarorni kutmoqdamiz," - dedi Setyen El Larguero dasturida.

Setyen 2025 yil oktyabr oyidan beri ishsiz yuribdi, o‘shanda u shaxsiy sabablarga ko‘ra Xitoyning "Beyjing Goan" klubini tark etgan edi.