2013 йилги мавсум биринчи ярми якунларига кўра бир қатор ҳакамлар ва назоратчилар четлатилди ва огоҳлантирилди.

Ўзбекистон Кубоги доирасидаги «Машъал» – «Навбаҳор» ўйинида қониқарсиз баҳо олгани учун ҳакам ёрдамчиси Баҳодир Баҳромов (Тошкент шаҳри), Ўзбекистон Биринчилигидаги «Локомотив-БФК» – «Истиқлол» ўйинида қониқарсиз баҳо олгани учун ҳакам ёрдамчиси Элёр Турсунов (Наманган вилояти), Аёллар ўртасидаги Ўзбекистон чемпионати доирасидаги «Лочин» – «Сурхон» ўйинида қониқарсиз ҳаракатлари учун ФИФА ҳаками Анна Сидорова (Тошкент), Ўзбекистон Кубоги доирасидаги «Пахтакор» – «Насаф» ўйинида қониқарсиз баҳо олгани учун ФИФА ҳаками ёрдамчиси Рафаэль Илёсов (Тошкент) ўйинларни бошқаришдан четлатилган.

Ўзбекистон Биринчилиги доирасидаги «Зомин» – «Сурхон» ўйинидаги ҳаракатлари учун Исҳоқ Иброҳимов (Қорақалпоғистон), «Қўқон-1912» – «Косонсой» ўйинидаги ҳаракатлари учун бош ҳакам ёрдамчиси Ойбек Умаров (Тошкент вилояти), «Хоразм» – «Орол» ўйинидаги ҳаракатлари учун бош ҳакам ёрдамчиси Атҳам Суннатов (Сирдарё вилояти) огоҳлантирилган.

Шунингдек, майдондаги ҳакамлар ва захира ҳакамларига асоссиз равишда юқори баҳолар қўйгани учун Ўзбекистон Биринчилиги назоратчилари – Тоир Тошмуҳамедов ва Раҳматулло Қоратоев ҳам ўйинлардан четлатилган, Игорь Нехочин (Наманган вилояти), Рифкат Ишмурзин, Раҳим Мўминов, Рўзим Давлетмуротов, Олег Рубаков (барчаси – Тошкент шаҳридан), Владимир Бегларян (Қорақалпоғистон) огоҳлантирилган.

2013 йилнинг биринчи ярми давомида аттестациядан ўтган ҳакамлар ва назоратчилар томонидан жами 578та ўйин, жумладан, Ўзбекистон Чемпионати ва Ёшлар Биринчилигида 182та, Ўзбекистон Кубогида 44та, Ўзбекистон Биринчилиги биринчи босқичида 264та, Аёллар ўртасидаги чемпионат биринчи босқичида 64та, Аёллар ўртасидаги Ўзбекистон Кубоги баҳсларида 24та ўйин бошқарилди.