"Реал" бош мураббийи Хаби Алонсо Испания Суперкубоги яримфиналидан ўрин олган "Атлетико"га (2:1) қарши ўйиндан сўнг ҳужумчи Килиан Мбаппе финалда ўйнаши мумкинлигини маълум қилди. 27 ёшли француз тез орада Саудия Арабистонига учиб келади.
"У яқин 24 соат ичида Саудия Арабистонига келади. Килиан ўзини анча яхши ҳис қиляпти. Унинг финалда ўйнаш имконияти бор", - дея Алонсонинг сўзларини келтиради Marca.
Мбаппе тиззасидан олган жароҳати туфайли "Атлетико" ва Ла Лига 18-туридан ўрин олган "Бетис"га қарши ўйинни ўтказиб юборди.
Испания Суперкубоги финали "Барселона" - "Реал" баҳси 11 январь, якшанба куни бўлиб ўтади.
