Ўзбекистон эркаклар ва аёллар шахмат терма жамоаси таркиби янгиланди. Бу ҳақда шахмат федерацияси матбуот хизмати хабар берди.

8 январь, пайшанба куни мамлакат миллий терма жамоалари мураббийлар кенгашининг қарори асосида яқинлашиб келаётган халқаро мусобақаларда Ўзбекистон шарафини ҳимоя қиладиган терма жамоаларнинг янгиланган таркиби эълон қилинди.

“Шахмат спорт турида ички ва халқаро мусобақалар тақвими ниҳоятда зич экани, рақобат даражаси юқорилиги, шунингдек, Ўзбекистон шахмат федерацияси томонидан соғлом рақобат ва барқарор ривожланишни таъминлаш мақсадида белгиланган тартибга кўра, миллий терма жамоалар таркиби ҳар тўрт ойда янгиланади”, дейилади хабарда

Унга кўра, эркаклар терма жамоасида ҳам, аёллар терма жамоасида ҳам учтадан таркиб шакллантирилган. Ҳар бир таркибдан 5 нафардан шахматчи жой олган. Спортчиларни таркибларга жойлаштиришда уларнинг FIDE рейтинги ҳамда охирги натижалари ҳисобга олинган.

Эркаклар терма жамоаси

1-таркиб:
Нодирбек Абдусатторов (2751)
Жавоҳир Синдаров (2726)
Нодирбек Якуббоев (2691)
Шамсиддин Воҳидов (2644)
Муҳиддин Мадаминов (2567)

2-таркиб:
Абдулмалик Абдусалимов (2560)
Жаҳонгир Воҳидов (2516)
Ортиқ Ниғматов (2459)
Муҳаммадзоҳид Суяров (2449)
Саидакбар Саидалиев (2440)

3-таркиб:
Ҳумоюн Бекмуратов (2429)
Баҳром Баҳриллаев (2427)
Алмас Раҳматуллаев (2394)
Даврон Шарипов (2381)
Асроржон Омонов (2353)

Аёллар терма жамоаси

1-таркиб:
Афруза Ҳамдамова (2403)
Гулруҳбегим Тоҳиржонова (2363)
Умида Омонова (2334)
Гулдона Каримова (2323)
Мадинабону Ҳалилова (2287)

2-таркиб:
Нилуфархон Имомқўзиева (2232)
Нилуфар Ёқуббоева (2195)
Асал Салимова (2177)
Маржона Маликова (2081)
Шоҳина Аҳмедова (2056)

3-таркиб:
Мафтуна Бобомуродова (2044)
Озода Шаҳзодова (2044)
Зилола Актамова (2032)
Руқия Олимова (2021)
Мумтозбегим Мансурова (2020)

Маълумот учун, 2026-йилда Ўзбекистон 46-Бутунжаҳон шахмат олимпиадасига мезбонлик қилади. 2022-йилнинг 31 июль 9 август кунлари Ҳиндистоннинг Чиннай шаҳрида бўлиб ўтган Халқаро шахмат федерацияси конгрессида 46-Бутунжаҳон шахмат олимпиадаси ҳамда FIDEнинг навбатдаги конгрессини 2026 йил Ўзбекистонда ўтказиш тўғрисида қарор қабул қилинди. 2026 йил Самарқандда бўлиб ўтадиган Бутунжаҳон шахмат олимпиадаси Ўзбекистон тарихида илк маротаба ўтказиладиган шахмат олимпиадаси сифатида тарихда қолади.