"ПСЖ" дарвозабони Люка Шевалье Франция Суперкубогидаги ғалабадан кейин россиялик дарвозабон Матвей Сафонов билан рақобат ҳақида гапирди.
"Трансферимдан кейинги энг яхши ўйинимни ўтказдим. Ҳа, муваффақиятлироқ ўйнашим мумкин бўлган пайтлар бўлди, бунинг устида ишлайман. Бу жамоага нима учун ўтганимни биламан. Таслим бўлмайман ва курашишда давом этаман. Бу ерда талаб жуда юқори. Ҳар бир ўйинда бор кучим билан ҳаракат қилиш ниятидаман," - дея дарвозабоннинг сўзларини келтиради Footmercato.
"ПСЖ" - "Марсель" баҳси 2:2 ҳисобида дуранг билан якунланди. Ўйиндан кейинги 11 метрлик баҳсларда парижликлар 4:1 ҳисобида ғалаба қозонди. Шевалье иккита пенальтини қайтарди.
