"Манчестер Сити" спорт директори Угу Виана "Борнмут"дан вингер Антуан Семеньонинг хариди ҳақида фикр билдирди.
9 январь куни "шаҳарликлар" матбуот хизмати 26 ёшли футболчи сотиб олинганини расман эълон қилди.
"Антуан ҳақиқатан ҳам истиқболли ўйинчи. У бизга айнан "Сити"га ўтмоқчи эканлигини дарҳол билдирди. Унинг ушбу футбол клубига бўлган иштиёқи жараён давомида яққол намоён бўлди," - деди Виана клуб матбуот хизматига.
Функционер Семеньонинг салоҳияти жуда катта эканига ишончи комил. Унинг қайд этишича, айнан ушбу футболчини сотиб олиш "Манчестер Сити" учун устувор мақсад бўлган.
