Англия Премьер-лигаси клублари ўз таркибларини кучайтириш устида иш олиб бормоқда. Катта эҳтимол билан топ-клублардан бири жорий йилда "Кристал Пэлас" вакили Марк Гехи билан шартнома имзолаши мумкин.

Журналист Дэвид Орнштейннинг ёзишича, "Арсенал" узоқ вақтдан бери Гехига қизиқиш билдирмоқда, аммо уни фақат келаси ёзда эркин агент сифатида қўлга киритмоқчи. "Ливерпуль" ҳам Маркни яна қўлга киритишга уриниб кўриш учун ёзгача кутишни афзал кўрмоқда.

"Манчестер Сити" эса ҳимоядаги кадрлар муаммоси фонида 25 ёшли Гехини қишда ўз сафига қўшиб олишга уриниб кўриши мумкин.

Нуфузли Transfermarkt портали Марк Гехини 55 миллион еврога баҳоламоқда.