Вингер Ян Диоманде яқин келажакда "РБ Лейпциг"ни тарк этиши мумкин. Ивуарлик футболчига кўплаб гранд клублар қизиқиш билдирмоқда ва улар орасида "Манчестер Юнайтед" ҳам бор.
CaughtOffside хабарига кўра, "Манчестер Юнайтед" аллақачон Диоманде бўйича таклиф билан чиққан. "РБ Лейпциг" 100 миллион евро атрофида таклиф тушсагина, музокараларни бошлаши мумкин. Немис клубидагилар Диоманде трансфери учун 60-70 миллион етмаслигини маълум қилишди.
Қайд этилишича, "РБ Лейпциг" музокараларда кучли позицияда турибди, чунки Диоманденинг шартномаси 2030 йилнинг ёзигача мўлжалланган. Футболчи 2026 йилнинг ёзидагина клубини ўзгартириши кутилмоқда.













