"Манчестер Юнайтед"нинг машҳур собиқ ҳимоячиси Рио Фердинанд "Реал" юлдузи Винисиус Жуниорга мурожаат қилди.
Бразилиялик мураккаб даврни бошдан кечирмоқда: у кетма-кет 19 ўйиндан бери гол ура олмаяпти, мухлислар эса унга ҳуштакбозлик қилишда давом этмоқда.
Шу билан бирга, ҳужумчи келаси ёзда "қироллик клуби"ни тарк этиши мумкинлиги ҳақидаги миш-мишлар ҳам тинмаяпти.
«Вини, дўстим. Шовқинни унут, биродар, сенинг маҳоратинг охир-оқибат барчасидан устун келади», - дея Фердинанднинг сўзларини келтиради Madrid Universal.
Винисиус Жуниорнинг "Реал" билан шартномаси 2027 йилнинг ярмигача мўлжалланган. Жорий мавсумда 25 ёшли футболчи "қаймоқранглилар" сафида 26 та ўйинда 5 та гол ва 8 та голли узатмага муаллифлик қилди.
