Дортмунднинг "Боруссия" клуби марказий ҳимоячиси Нико Шлоттербек Мадриднинг "Реал" клуби эътиборида бўлиб турибди.

"Асаларилар" мудофааси етакчиси "қаймоқранглилар" кўриб чиқаётган номзодлардан биридир. "Қироллик клуби"да германиялик футболчининг имкониятлари юқори баҳоланмоқда ва келгуси ёзда эҳтимолий трансфер имконияти ўрганилмоқда, дея хабар бермоқда инсайдер Фабрицио Романо. Бироқ, ҳозирча аниқ маълумотлар йўқ - сўнгги пайтларда музокаралар олдинга силжимади.

Transfermarkt портали экспертлари Нико Шлоттербекнинг нархини 55 млн еврога баҳоламоқда. 26 ёшли футболчига "Бавария", "Барселона" ва "Ливерпуль" клублари ҳам қизиқиш билдирмоқда.