Англия Премьер Лигасининг 3 та номдор клуби — “Арсенал”, “Челси” ва “Ливерпуль” “ПСЖ” вингери Бредли Барколяни ўз сафига қўшиб олишни истамоқда. Бу ҳақда ТЕАМtalk нашри хабар берди.

Манбага кўра, 23 ёшли футболчи келаси ёзда француз етакчисини тарк этиши мумкин. Аммо “ПСЖ” мавсум ўртасида Бредли билан хайрлашишни режалаштирмаяпти. Шу билан бирга, мавсум охирида Барколя билан янги шартнома бўйича музокаралар ўтказишни режалаштирган.

“Арсенал”га рақиб ҳимоячиларини алдаб ўтадиган ва ҳужумнинг сўнгги нуқтасида кутилмаган ҳаракатлар қиладиган футболчи керак. Бредли Барколя айнан шу талабларга жавоб беради. Шу билан бирга, “Ливерпуль” “Бавария”га ўтган Луис Диаснинг ўрнини тўлиқ тўлдира олмади. Шунингдек, Коди Гакпо кутилган даражада ўйнай олмади. Жамоа айнан шу ҳудудга сифатли футболчи олиб келиши зарур. Шу боис Барколя идеал вариант сифатида кўрилмоқда. “Челси” ҳам бир неча ҳужумчи футболчига сармоя киритган бўлса-да, ушбу позицияга тўлиқ мослашиб кетадиган футболчи топа олмаяпти.

Маълумот учун, Барколя “ПСЖ” сафида 2023 йил ёзидан бери ўйнаб келади. Жорий мавсум футболчи барча мусобақаларда жами 23 та учрашувда майдонга тушиб, 5 та голва 4 та голли узатма муаллифига айланган. Футболчининг клуб билан шартномаси 2028 йил ёзигача амал қилади. Transfermarkt порталига кўра, унинг бозор қиймати 70 миллион еврони ташкил этади.