"Барселона" президенти Жоан Лапорта Испания Суперкубоги финалида "Реал" устидан қозонилган ғалабадан сўнг (3:2) марказий ҳимоячи Рональд Араухони қўллаб-қувватлади.
26 ёшли футболчи "эл-класико"нинг энг сўнгги дақиқаларида майдонга тушиб, кейин жамоадошлари билан бирга совринни боши узра кўтарди. Бу уругвайлик футболчининг ноябрь ойи охиридан буён илк бор майдонга тушиши бўлди - у бу вақт давомида психологик муаммолар туфайли майдонга тушмади.
- Биз буни Араухо учун қилдик. Сардоримиз яна биз билан бирга бўлишини истаймиз. У учун жуда хурсандман," - деди Лапорта журналистлар билан суҳбатда.
