"Вест Хэм" клуби ҳужумкор ярим ҳимоячиси Лукас Пакета фаолиятини "Тоттенхэм"да давом эттириши мумкин. Бу ҳақда таниқли журналист Дэвид Орнштейн хабар бермоқда.
Манбага кўра, "шпорлар" аллақачон 28 ёшли хавбек трансфери бўйича "болғачилар"га 30 миллион евролик расмий таклиф билан чиққан. Қайд этилишича, футболчи билан Бразилиянинг "Фламенго" клуби ҳам музокаралар олиб бормоқда. Аввалроқ, "Вест Хэм" Пакетани жорий қишда сотишга тайёрлиги ҳақида хабарлар тарқалган эди.
Англия Премьер-лигасининг жорий мавсумида Пакета 18 та учрашувда қатнашиб, 4 та гол урди ва 1 та голли узатмани амалга оширди.
