"Манчестер Юнайтед"нинг ўнг қанот ҳимоячиси Нуссаир Мазрауига яна Туриннинг "Ювентус" клуби қизиқиш билдирмоқда.

Марокашликнинг "Бьянконерилар" сафига ўтиши мумкинлиги ҳақидаги гап-сўзлар ўтган йилнинг ёзида бошланган эди. Gazzetta dello Sport нашрининг хабар беришича, Мазрауи яна "кекса синьора" қизиқишлари доирасига тушиб қолган. 28 ёшли футболчи жаҳон чемпионати - 2026 олдидан "Манчестер Юнайтед"ни тарк этиш ҳақида жиддий ўйламоқда.

Нуссаир Мазрауининг Transfermarkt порталидаги нархи - 22 млн евро. Футболчининг амалдаги шартномаси 2028 йилнинг ярмигача мўлжалланган, бироқ бир йиллик узайтириш имкониятини ўз ичига олади.