Мадриднинг "Атлетико" клуби ҳужумчиси Жакомо Распадори "Рома"га ўтишдан бош тортиши мумкин.
Битим аллақачон келишилган: "матрасчилар" ҳужумчини Рим клубига 19 млн еврога сотиб олиш имконияти билан 2 млн еврога ижарага беришга тайёр. Шунга қарамай, журналист Николо Скиранинг маълум қилишича, ҳужумчининг ўзи "Рома"га ўтиш мақсадга мувофиқлигига 100 фоиз ишонмаяпти. Римга кўчиб ўтиш ўрнига футболчи "Наполи"га қайтишни афзал кўради - бундай сценарий истисно қилинмайди, аммо аввалига неаполликлар Лоренцо Луккани сотиши керак.
Эслатиб ўтамиз, Жакомо Распадори 2025 йилнинг августида "Наполи"дан "Атлетико"га ўтган эди. Диего Симеоне жамоаси сафида италиялик футболчи 15 та ўйинда майдонга тушиб, 2 та гол ва 3 та голли узатмага муаллифлик қилган.













