"Барселона"нинг польшалик ҳужумчиси Роберт Левандовски Испания Суперкубоги доирасидаги "Реал"га қарши ўйин якунлари бўйича ўз фикрларини билдириб ўтди. Жамоалар Саудия Арабистонининг Жидда шаҳридаги "King Abdullah Sports City" стадионида тўқнаш келишди. Учрашув бош ҳаками сифатида Хосе Мунуэра Монтеро ишлади. "Кўк-анорранглилар" 3:2 ҳисобидаги ғалабани нишонлади.
"Реал" устидан қозонилган ҳар бир ғалаба - катта воқеа. Улар ўйин давомида жуда паст блокда ўйнашди. Тўпни бир қанотдан иккинчи қанотга олиб ўтишда сабрли бўлишимиз керак эди.
Энг муҳими, бизда яна бир унвон бор," - дея Левандовскининг сўзларини келтиради Madrid Universal Х ижтимоий тармоғида.













