"Манчестер Юнайтед" ҳужумчиси Беньямин Шешко Англия кубогининг 3-раундидан ўрин олган "Брайтон"га (1:2) қарши ўйинда гол урди. Шу тариқа, словениялик футболчи Рубен Аморим бош мураббийликдан кетганидан кейин икки ўйинда учинчи голини урди.
Аввалроқ, Шешко "Бёрнли"га (2:2) қарши баҳсда дубль қайд этганди. Жорий мавсумда ҳужумчи клуб сафида барча мусобақаларда 19 та ўйинда 5 та гол урди ва 1 та голли узатмани амалга оширди.
Словениялик ҳужумчи ёзги трансфер ойнасида "Манчестер Юнайтед"га "РБ Лейпциг"дан 85 миллион евро эвазига ўтди, шундан 76,5 миллион евро доимий тўловлар ва 8,5 миллион евро бонуслар. Футболчи билан шартнома 2030 йилнинг июнигача мўлжалланган.
