"Реал"нинг собиқ футболчиси Карим Бензема Испания Суперкубоги финалига ташриф буюрди, унда "қаймоқранглилар" "Барселона"га 2:3 ҳисобида мағлуб бўлди. Бензема Мадрид клуби президенти Флорентино Перес билан учрашди, дея хабар бермоқда The Telegraph журналист Рамон Альварес де Мон маълумотига таяниб.
Манбага кўра, Бензема Пересга иккита маслаҳат берган. Биринчидан, француз "Реал" раҳбарини мураббий Хаби Алонсога ишонишда давом этишга чақирди. Иккинчидан, Бензема Пересга ярим ҳимоя чизиғини кучайтиришни маслаҳат берди.
"Реал" айни дамда Ла Лига турнир жадвалида "Барселона"дан 4 очко ортда қолиб, 2-ўринда бормоқда.
