Ханс-Дитер Флик қўл остида "Барселона" ҳозиргача 4та совринни қўлга киритди. Тўртинчиси Испания Суперкубоги бўлди - кеча ушбу турнир финалида "кўк-анорранглилар" "Реал"ни 3:2 ҳисобида мағлуб этишди.
Ўйиндан сўнг "Барселона" президенти Жоан Лапорта жамоа бош мураббийи Ханс-Дитер Фликнинг келажаги ҳақидаги саволга жавоб қайтарди.
"Ханси Фликнинг шартномаси бор ва у ҳали кўп мавсумлар давомида биз билан бирга бўлади. Бизда амалдаги шартномага эга ажойиб мураббий бор. Бу келишув юракдан тузилган ва унинг шаҳар билан алоқаси жуда кучли," - деди Лапорта.
Ханс-Дитер Фликнинг "Барселона" билан амалдаги меҳнат шартномаси 2027 йилнинг ярмигача мўлжалланган.
