"Манчестер Сити" бош мураббийи Хосеп Гвардиола Антуан Семеньонинг дебют ўйини ҳақида гапирди.
Ҳужумчи "шаҳарликлар"га Англия кубогида "Эксетер"ни мағлуб этишга ёрдам берди. Футболчи "гол+пас" тизимида "1+1" кўрсаткич қайд этди.
"У ҳақиқатан ҳам яхши йигит ва бир неча вазиятларда "Борнмут"даги ҳаракатларини намойиш этди ва умид қиламанки, у бу ерда ҳам шу руҳда давом эта олади," - дея Гвардиоланинг сўзларини келтиради "Манчестер Сити" матбуот хизмати.
Антуан Семеньо "Борнмут"дан "Манчестер Сити"га ўтди.
Transfermarkt маълумотларига кўра, трансфер қиймати 72 млн еврони ташкил қилган. Бу мавсумда футболчи АПЛда 20та ўйин ўтказди. Уларда ҳужумчи 10 та гол урди ва учта голли узатмани амалга оширди.
