«Ювентус» жамоаси бош мураббийи Лучано Спаллетти клубдаги келажаги ҳақидаги саволга жавоб берди.

Бугун Турин жамоаси А Сериянинг 20-турида «Кремонезе»ни 5:0 ҳисобида йирик мағлубиятга учратди.

«Бизнинг каби ишда ҳеч қачон нима бўлишини аниқ билмайсан. Ҳар доим кутилмаган ҳолатлар бўлади, ҳаммасини яхшилаб ўйлаб, баҳолаш керак, аммо майдонда содир бўладиган воқеалар ҳам бор.

Биз ўз ишини яхши биладиган рақибга қарши яхши ўйин ўтказдик. «Кремонезе» каби жамоа қандай вазифани бажариши кераклигини уларнинг мураббийи яхши тушунади. У ўз жамоасининг қайси даражада эканини билади. Бир оз омад туфайли ўйин маълум йўналишда кетди».

«Интер» ва «Наполи» ўйини ҳақида:

«Ўйинни томоша қилдим, улар жуда юқори даражадаги футбол намойиш этишди, очиқ ўйнашди. У ерда нима қилаётганини яхши биладиган икки мураббий ишлаяпти. Бизга ҳали ҳам (улар даражасига етиш учун) ўсиш керак, яна бир қадам олдинга ташлашимиз лозим. Лекин мен катта иштиёқни кўряпман».

Пенальти билан боғлиқ вазият ҳақида:

«Менинг фикримча, ўша икки пенальтидан ҳеч бири ҳам пенальти эмас эди», — деди Спаллетти.