«Yuventus» jamoasi bosh murabbiyi Luchano Spalletti klubdagi kelajagi haqidagi savolga javob berdi.
Bugun Turin jamoasi A Seriyaning 20-turida «Kremoneze»ni 5:0 hisobida yirik mag‘lubiyatga uchratdi.
«Bizning kabi ishda hech qachon nima bo‘lishini aniq bilmaysan. Har doim kutilmagan holatlar bo‘ladi, hammasini yaxshilab o‘ylab, baholash kerak, ammo maydonda sodir bo‘ladigan voqealar ham bor.
Biz o‘z ishini yaxshi biladigan raqibga qarshi yaxshi o‘yin o‘tkazdik. «Kremoneze» kabi jamoa qanday vazifani bajarishi kerakligini ularning murabbiyi yaxshi tushunadi. U o‘z jamoasining qaysi darajada ekanini biladi. Bir oz omad tufayli o‘yin ma’lum yo‘nalishda ketdi».
«Inter» va «Napoli» o‘yini haqida:
«O‘yinni tomosha qildim, ular juda yuqori darajadagi futbol namoyish etishdi, ochiq o‘ynashdi. U yerda nima qilayotganini yaxshi biladigan ikki murabbiy ishlayapti. Bizga hali ham (ular darajasiga yetish uchun) o‘sish kerak, yana bir qadam oldinga tashlashimiz lozim. Lekin men katta ishtiyoqni ko‘ryapman».
Penalti bilan bog‘liq vaziyat haqida:
«Mening fikrimcha, o‘sha ikki penaltidan hech biri ham penalti emas edi», — dedi Spalletti.
