«Манчестер Сити» жамоаси яримҳимоячи Родрини таркибида сақлаб қолишни режалаштирмоқда. TEAMtalk хабарига кўра, «шаҳарликлар» яқин ойларда испаниялик футболчи билан шартномани узайтириш бўйича музокараларни қайта бошлаш ниятида. Ҳар икки томон ҳам янги келишув тузишга очиқ.
Янги шартноманинг расмий имзоланиши жорий йил ёзида бўлиши кутилмоқда. Родри 2019 йилда мадриднинг «Атлетико» клубидан «Манчестер Сити»га 70 миллион евро эвазига ўтган эди. Унинг амалдаги шартномаси 2027 йил 30 июнига қадар амал қилади.
Жорий мавсумда яримҳимоячи барча мусобақалар доирасида «шаҳарликлар» сафида 12 та ўйин ўтказиб, 1 та гол урди. Transfermarkt портали испаниялик футболчининг бозор қийматини 75 миллион евро деб баҳоламоқда.
