"Атлетико" ярим ҳимоячиси Конор Галлахер яқин вақтлар ичида "Тоттенхэм" футболчисига айланиши мумкин. Бу ҳақда журналист Мэтт Лоу маълум қилди.

Манбага кўра, "шпорлар" бош мураббийи Томас Франкнинг шахсан ўзи Галлахерга қўнғироқ қилиб, ярим ҳимоячини барча муаммоларга қарамай, жамоага қўшилишга кўндирган. Хавбек тез орада "Тоттенхэм"га ўтиши кутилмоқда, аммо унда "Астон Вилла"га ўтиш варианти ҳам бор эди. Битим қиймати тахминан 40 миллион еврони ташкил этади.

Жорий мавсумда 25 ёшли Галлахер барча мусобақаларни инобатга олган ҳолда 27 та учрашувда қатнашиб, 3 та гол урди ва 1 та голли узатмани ўз ҳисобига ёздириб қўйди.