"Ливерпуль"нинг венгриялик ярим ҳимоячиси Доминик Собослаи узоқ масофадан гол уриш бўйича жамоанинг энг яхши футболчиси ҳисобланади.
OptaJoe маълумотига кўра, сўнгги уч мавсумда 25 ёшли Собослаи жарима майдони ташқарисидан саккизта тўп киритган - бу жамоанинг шу даврдаги исталган футболчисидан икки баробар кўп.
Жорий мавсумда Собослаи барча мусобақаларни ҳисобга олган ҳолда 28 та ўйинда майдонга тушиб, 6 та гол урди ва 5 та голли узатма муаллифига айланди.













