Душанба куни "Реал" бош мураббий ўзгарганини эълон қилди - Хаби Алонсо кетди, унинг ўрнини Альваро Арбелоа эгаллади. Сешанба кунги матбуот анжуманида Арбелоа ўзининг биринчи жамоа бош мураббийи этиб тайинланиши қандай бўлгани ҳақида гапириб берди.
"Кеча тушдан кейин менга Хаби ва клуб ажралиш бўйича келишувга эришгани, клуб жамоани қабул қилишимни истаётгани ҳақида хабар беришди. Албатта, мен Хаби билан гаплашдим - дўстлигимиздан барчангиз хабардорсиз. Мен уни жуда қадрлайман ва яхши кўраман. Бундан кейин ҳам шундай бўлади. Хаби билан нималарни гаплашганимиз ўртамизда қолади," - деди Арбелоа журналистларга.
Альваро Арбелоа сешанба куни "Реал"нинг асосий жамоаси билан илк машғулотини ўтказди.
