Dushanba kuni "Real" bosh murabbiy o‘zgarganini e’lon qildi - Xabi Alonso ketdi, uning o‘rnini Alvaro Arbeloa egalladi. Seshanba kungi matbuot anjumanida Arbeloa o‘zining birinchi jamoa bosh murabbiyi etib tayinlanishi qanday bo‘lgani haqida gapirib berdi.
"Kecha tushdan keyin menga Xabi va klub ajralish bo‘yicha kelishuvga erishgani, klub jamoani qabul qilishimni istayotgani haqida xabar berishdi. Albatta, men Xabi bilan gaplashdim - do‘stligimizdan barchangiz xabardorsiz. Men uni juda qadrlayman va yaxshi ko‘raman. Bundan keyin ham shunday bo‘ladi. Xabi bilan nimalarni gaplashganimiz o‘rtamizda qoladi," - dedi Arbeloa jurnalistlarga.
Alvaro Arbeloa seshanba kuni "Real"ning asosiy jamoasi bilan ilk mashg‘ulotini o‘tkazdi.
