"Барселона" сешанба куни Жоау Канселунинг жамоага қайтганини эълон қилди. Бироқ, тез орада Каталония клуби ушбу хабарни расмий сайтидан ўчириб ташлади. "Кўк-анорранглилар"нинг ижтимоий тармоқларида Канселу ҳақидаги маълумотлар ҳам йўқолган. Канселунинг ўзи ҳам ўз саҳифаларидан "Барселона"га ўтишни якунлагани ҳақидаги хабарларни олиб ташлади.
"Барселона" ва Жоау Канселу нима сабабдан бундай қилишгани ҳозирча маълум эмас. Янгиликларни кузатиб борамиз.
Жоау Канселу 31 ёшда. Аввалроқ, "Барселона" португалияликни 2025/2026 йилги мавсумнинг иккинчи қисми учун "Ал-Ҳилол"дан ижарага олгани ҳақида хабар берган эди.
"Барселона" Ла Лигада пешқадамлик қилмоқда ва иккинчи ўриндаги "Реал"ни 4 очкога ортда қолдирмоқда.
