Хаби Алонсо душанба куни "Реал" бош мураббийлигидан кетди. El Larguero дастурида Алонсонинг истеъфоси ҳақида қарор қабул қилинган йиғилишда мураббий клубни танқид қилгани ҳақида маълумот берилди.
Учрашувда Алонсо клуб футболчиларга бунчалик катта ваколат бермаслиги кераклигини айтди. Хаби агар клуб доимий равишда футболчилар томонида бўлса, мураббийга кийиниш хонасини назорат қилиш қийин бўлишини таъкидлади.
"Реал"нинг янги устози Альваро Арбелоа бўлди. Жамоа навбатдаги ўйинни 14 январь, чоршанба куни Испания кубоги доирасида "Альбасете"га қарши ўтказади.
