Хаби Алонсо душанба куни - "Барселона"дан учралган мағлубиятнинг эртасига "Реал" бош мураббийлигидан кетди. Transfer News Live нашрининг L’Equipe'га таяниб хабар беришича, "Реал" форварди Килиан Мбаппе Хаби Алонсони истеъфодан қутқаришга уринган.
Мбаппе агар мағлубиятга учраса, Алонсо истеъфога чиқарилиши мумкинлигини тушунди. Шу сабабли у финалдаги иштирокига тайёргарлик кўрди, Саудия Арабистонига учиб борди ва ижобий натижа ва Хаби жамоа бошқарувида қолиши учун қўлидан келганини қилди.
Килиан Мбаппе финалгача тикланиб, иккинчи бўлимда захирадан майдонга тушди, аммо барибир "Реал"ни мағлубиятдан қутқариб қола олмади.
Шу билан бирга, аввалроқ матбуотда Алонсога Мбаппенинг финалдан кейинги ҳаракати ёқмагани ҳақида ёзилди - мураббий шогирдларини "Барселона"га чемпионлик йўлагини яратишга чақирган бўлса-да, француз жамоадошларини майдондан олиб чиқиб кетди.
