"Манчестер Юнайтед" Майкл Кэррикни жамоа бош мураббийи этиб тайинлаганини эълон қилди. 44 ёшли мутахассис билан шартнома 2025/26-йилги мавсум охиригача мўлжалланган.
Кэррик 2006 йилдан 2018 йилгача "қизил иблислар" сафида ўйнаган ва жамоа билан бирга 17 та совринни қўлга киритган, шу жумладан Чемпионлар лигасида ғолиб чиққан ва беш марта АПЛ ғолиби бўлган.
2018 йилда футболчилик фаолиятини якунлаганидан сўнг, Кэррик "МЮ" бош жамоаси мураббийлар штабига қўшилди ва Жозе Моуриньо ва Оле Гуннар Сульшернинг ёрдамчиси бўлиб ишлади. Сульшер клубини тарк этгач, у бош мураббий вазифасини бажарувчи бўлган. 2022 йилдан 2025 йилгача мутахассис "Мидлсбро"ни бошқарган.
Январь ойи бошида "Манчестер Юнайтед" бош мураббий Рубен Аморимни истеъфога чиқарди. Жамоа Англия чемпионати-2025/26 21-туридан кейин 32 очко билан турнир жадвалида еттинчи ўринда бормоқда.
