"Манчестер Юнайтед" босслари интервью якунларига кўра бир овоздан Майкл Кэррикни вақтинчалик бош мураббий этиб танлади. Кеча "МЮ" Кэррикнинг мавсум охиригача клубга тайинланганини эълон қилди.
Журналист Бен Жейкобснинг ёзишича, клуб раҳбариятининг фикрича, суҳбат давомида Кэррик етакчилик қобилияти, ҳамкорликка тайёрлиги ва жамоанинг ҳозирги таркибини яхши билишини намойиш этган.
Янги мураббийни ёллаш жараёнига "МЮ" футбол директори Жейсон Уилкокс раҳбарлик қилди. Бундан ташқари, Уилкокс ва Кэррик Стив Ҳолланд ва Жонатан Вудгейтнинг мураббийлар штабига киришига ёрдам беришди.
Қайд этилишича, "МЮ" мавсум якунларига кўра Чемпионлар лигасига чиқиши мумкинлигига ишонмоқда. АПЛ 21-туридан кейин манкунианликлар 31 очко билан 7-ўринда бормоқда.
