"Манчестер Сити" вингери Антуан Семеньонинг фикрича, унинг "Ньюкасл"га қарши ўйиндаги голи адолатсиз равишда бекор қилинган. "Шаҳарликлар"нинг сафар учрашуви Англия Лига Кубогининг дастлабки ярим финали доирасида бўлиб ўтди.
53-дақиқада Семеньо ҳисобни очди, 63-дақиқада эса яна гол урди, аммо ҳакам ганаликни дублдан маҳрум қилди. Гол ВАРга мурожаат қилингандан кейин офсайд туфайли бекор қилинди.
"Матч якунида камералар қаршисида нима деган эдим? Иккинчи голим ҳисобга олиниши керак эди. Ҳакам ёнимга келиб, нима бўлганини тушунтирди. Нима бўлса, бўлди", - деди Семеньо Sky Sports’га берган интервьюсида.
"Манчестер Сити" 2:0 ҳисобида ғалаба қозонди. Иккинчи бўлимга қўшиб берилган дақиқаларда Шерки меҳмонларнинг иккинчи голини урди.
