Лондоннинг "Челси" клуби янги устози Лиам Росеньор жамоанинг икки футболчиси - ҳимоячи Аксель Дисаси ва вингер Раҳим Стерлинг билан суҳбат ўтказади. Мураббий футболчилар билан уларнинг клубдаги келажагини муҳокама қилмоқчи, деб ёзади BBC.
Иккала футболчи ҳам ўтган ёзда клубини ўзгартирмоқчи бўлган, бироқ ўзларига мос вариантларни топа олишмаган. Жорий мавсумда улар "аристократлар" сафида ўйнамаяпти.
Маълумот учун, "Челси" бугунги кунда Англия Премьер-лигаси турнир жадвалида тўққизинчи ўринда бормоқда. Росеньор шогирдлари очколари сонини 31 тага етказиб олди.
