Лондоннинг "Челси" клуби ёзги трансферлар вақтида қимматбаҳо харидни амалга ошириши мумкин.
"Кўклар" январь ойида бозорда фаол бўлиши даргумон, аммо мавсумлар оралиғида таркибни кучайтириш имкониятларини ўрганмоқда. "Челси" ёзда бир нечта "жиддий" харидларни амалга ошириши тахмин қилинмоқда, дея хабар бермоқда журналист Низаар Кинселла. Юлдуз номзодлар қаторида "Ювентус" ҳужумчиси Кенан Йилдиз ҳам бор, шунингдек, Лондон гранди "Манчестер Юнайтед" ярим ҳимоячиси Кобби Майнуни кузатишда давом этмоқда.
Йилдизнинг Transfermarkt порталидаги нархи - 75 млн евро, Майнунинг нархи эса худди шу сайт томонидан 40 млн еврога баҳоланмоқда. Ҳар икки футболчи ҳозирда 20 ёшда.
