Янги мавсумга тайёргарлик доирасида «Динамо» жамоаси Тошкентдаги навбатдаги назорат ўйинида ОКМК клубига қарши майдонга тушди.

«Олимпия» стадионидаги майдонда бўлиб ўтган баҳсда бош мураббийлар – Вадим Абрамов ва Миржалол Қосимов асосий таркибдан ташқари, бир қатор ёш ўйинчиларни синовдан ўтказди. Биринчи бўлимда Анваржон Ҳожимирзаев томонидан киритилган гол билан «динамочилар» ҳисобни очди – 1:0.

Иккинчи бўлимда мураббийлар бир қатор ўзгаришларга қўл уриб, кўрикдаги ўйинчиларни ҳам синовдан ўтказишди. Олмалиқликлар Азиз Холмуродовнинг голи эвазига мувозанатни тиклашди – 1:1. Якунда баҳс дуранг натижа билан тугади.

Шу тариқа, «Динамо»нинг Тошкентдаги дастлабки йиғини якунига етди. Жамоамиз 16 январдан БААда йиғин бошлайди.

Назорат ўйини. 14 январ. Тошкент
ОКМК – «Динамо» - 1:1
Голлар: Азиз Холмуродов 50 – Анваржон Ҳожимирзаев, 42.
«Динамо»: Эдем Неманов, Жаҳонгир Ўрозов, Жалолиддин Жумабоев, Салим Мустафоев, Гиорги Бабалиев, Расул Йўлдошев, Драмане Салоу, Фирдавс Абдураҳмонов, Жаҳонгир Абдусаломов, Азизбек Амонов, Анваржон Ҳожимирзаев.
Захирадан майдонга тушганлар: Сарвар Каримов, Улуғбек Абдуллаев, Беҳрузбек Облоқулов, Хислат Халилов, Абдулаҳад Ҳошимов, Улуғбек Ҳошимов, Миржаҳон Мираҳмадов.