Таниқли журналист Томас Ронсеро Мадриднинг "Реал" клубидаги ҳозирги вазиятга изоҳ берди. Чоршанба куни "қаймоқранглилар" Испания Кубоги 1/8 финалида "Альбасете"га мағлуб бўлди (2:3). Бу жамоанинг икки кун олдин истеъфога чиқарилган Хаби Алонсо ўрнига келган Альваро Арбелоа қўл остидаги биринчи ўйини эди.

"Бу ўйин олдидан Алонсони алмаштириш хато бўлди. Мураббийларни алмаштириш учун жуда ноқулай вақт. "Реал"да ҳаваскор клуб даражасида қарорлар қабул қилинади.

Жамоанинг янги аъзолари ўртамиёна футболчилар бўлиб чиқди. Ҳозир "Реал"да сифатли ярим ҳимоячилар, бирорта етакчи йўқ. Улар мендан ғазабланишлари мумкин, лекин менга барибир. Мен буни айтишим керак эди," - дея Ронсеронинг сўзларини келтиради Madrid Xtra.

Мадридликлар шанба куни Ла Лига доирасида ўз майдонида "Леванте"ни қабул қилади.