"Ньюкасл" ярим ҳимоячиси Сандро Тонали Италияга қайтиши мумкин.
Telegraph хабарига кўра, хавбекни "Ювентус" ўз сафига қўшиб олмоқчи. Туринликлар ёзги трансферлар ойнасида Тоналини асосий нишон сифатида белгилади. Қайд этилишича, италиялик футболчи атрофидаги вазиятни кузатиб бораётган яна бир жамоа "Манчестер Сити" ҳисобланади.
Сандро Тонали 2023 йилда "Милан"дан 60 миллион евро эвазига "Ньюкасл"га ўтганди. Унинг шартномаси 2028 йилнинг 30 июнига қадар мўлжалланган. Жорий мавсумда ярим ҳимоячи барча мусобақаларда 30 та ўйинда майдонга тушиб, бешта голли узатмани амалга оширди. Transfermarkt портали италияликни 75 миллион еврога баҳоламоқда.
