"Вулверхэмптон" ярим ҳимоячиси Жоао Гомес "Атлетико" қизиқишлари доирасига тушди.
Маттео Моретто хабарига кўра, мадридликлар бразилиялик футболчининг трансферини январь ойидаёқ расмийлаштирмоқчи. "Бўрилар" "Атлетико"дан таклиф олишга тайёрланмоқда. Инглиз жамоаси раҳбарияти фойдали таклиф бўлмаса, футболчини ёзгача сақлаб қолиш ғоясига хотиржам муносабатда бўлмоқда.
Бу мавсумда "Вулверхэмптон"да Гомеснинг профессионаллиги эътироф этилди. У бошқа клубга ўтишни талаб қиладиган футболчилардан эмас. "Бўрилар" ўз футболчисини 46 миллион еврога баҳоламоқда.
