"Манчестер Сити"нинг англиялик иқтидорли марказий ҳимоячиси Макс Аллейне жамоадаги жароҳатлар фонида январь ойида "Уотфорд"даги ижарасини муддатидан аввал тугатиб, жамоага қайтди.
20 ёшли футболчи жамоага қайтиши ҳақида ўз фикрларини билдирди.
«Ман Сити»га қайтганимдан бери биринчи марта «қуруқ» ўйин ўтказдик. Сабаб жамоадан фахрландим. Абдуқодир Ҳусанов билан чинакам ҳамжиҳатлик ўрнатдик. У билан бирга ўйнаш жуда ёқимли бўлмоқда. Келажакда янада кўпроқ ютуқларга эришишни интизорлик билан кутяпман!», - деди Аллейне.
Жамоа 13 январь куни Англия лига кубоги ярим финалидан ўрин олган "Ньюкасл"га қарши дастлабки баҳсда 2:0 ҳисобида ғалаба қозонди. "Шаҳарликлар" 17 январь куни "Манчестер Юнайтед" меҳмони бўлади.
