Лондоннинг "Арсенал" клуби жамоа ҳимоячиси Бен Уайтни сотмоқчи эмас. Бу ҳақда TEAMtalk хабар бермоқда.
Аввалроқ, 28 ёшли футболчи кам ўйин амалиётига эга бўлгани учун "канонирлар" сафини тарк этмоқчи экани ҳақида хабарлар тарқалган эди.
Таъкидланишича, "Эвертон", "Манчестер Сити" ва бошқа клублар қизиқиш билдираётган Уайтни "Арсенал" қўйиб юборишни режалаштирмаяпти.
Бу мавсумда Уайт барча мусобақаларни ҳисобга олган ҳолда 14 та ўйинда майдонга тушиб, битта гол урди ва битта голли узатмани амалга оширди.
Ҳимоячининг "Арсенал" билан амалдаги меҳнат шартномаси 2028 йилнинг ёзига қадар мўлжалланган.
