Мадриднинг "Реал" клубига қишки трансферлар вақтида "Ливерпуль" ҳимоячиси Ибраима Конате хизмати таклиф қилинди. Defensa Central хабарига кўра, "қироллик клуби" футболчини 20 миллион еврога олиши мумкин эди, бироқ бундай қилмади.
"Қироллик клуби" франциялик ҳимоячини январда ўз сафига қўшиб олиш ниятида эмаслигини маълум қилди. "Реал" ёзда Ибраиманинг мавсумнинг иккинчи қисмидаги ўйинларини кузатиб, вазиятга баҳо беради.
Конатенинг Мерсисайд гранди билан меҳнат шартномаси 2026 йил июнь ойи охирида тугайди. 26 ёшли марказий ҳимоячининг трансфер нархи 50 миллион еврога баҳоланмоқда.













